Dukamu itu duka Katong jua
Lukamu itu luka Katong jua
Dari samua bahu yang baku Sorong
Dari samua tangan yang baku kele
Dari samua lutut yang bertelut
Katong ada voor Basudara dong di sana
Bukan karena Katong satu iman saja
Maar karena Katong satu dalam kemanusiaan
Manusia yang pung Hak untuk hidup
Manusia yang pung Hak untuk merdeka
Manusia yang pung Hak untuk punya Tampa tinggal
Dan seng bole saorang pun rampas akang
Seng bole saorang pun hancurkan akang
Karena samua ini milik Sang Khalik Semesta
Sudah saatnya Narasi Damai itu musti diubah
Karena jika hanya indah, pemandangan akan jauh melampauinya
Kalo hanya indah, cuma mata yang bisa sampaikan pesannya
Damai itu tentang RASA
Rasa yang murni dar hati yang tulus
Rasa yang bukan cuma slogan pemanis semata
Rasa yang musti taungkap dalam tindakan dan bukan cuma kata-kata
Rasa yang tidak terbatas dalam perjanjian belaka
Rasa dari hati yang menggerakkan samua panca indera untuk mengungkapkannya
Karena Ale, Beta deng Dia
Kalo seng sudara dalam iman
Katong samua Basudara dalam kemanusiaan.
Damai sejahtera Allah menyertai Basudara Kariu di sana
